ایران کې د ملک تاتار او جنرال سریع ترمنځ اختلاف او د سریع وژنه؛
ملک تاتار هغه ناوړه او جنایتکاره څیره ده چې تخار کې یې د پښتنو په ځورونو، ډله ایزو وژنو او تخار نه د پښتنو په جبري شړلو، د هغوي د ځمکو او کورونو په غصبولو کې سخت مشهور دی.
د دي وحشي کومندان مشهوره وینا ده چې زه خدای ج د پښتنو د وژلو لپاره دې نړۍ ته رالیږلی یم او دا کار یې په عمل کې هم ښودلی دی، د ده لخوا تخار کې د هغوي (پښتنو) د ځمکو نیول او وروستۍ ټولوژنه په ۲۰۱۹ کال کې د تخار په چاه اب سیمې کې ترسره شوه، هغه مهال جنرال سریع هلته امنیه کومندان و، ده (تاتار) او د جمعیت ګوند بل کومندان (شامل) د پورته ذکر شوې سیمې په یو کلي کې ۲۱ تنه ځايي پښتانه ښځې، کوچنیان او نور په پوې شپې کې شهیدان کړ.
( د هغه کلي دقیق نوم اوس زما له ذهنه وتلی خو خیل په کې راته).
په سبا ولسمشر غني د امرالله صالح د مخالفت برسیره د ده وحشي د نیولو لپاره جدي اقدام وکړ خو دا او شامل دواړه کوم نا مالوم ځای ته تښتیدلي وو، او د ده نیولو پسې فوق العاده لیږل شوي ځواک باندې تالبانو د بیا راتګ په لارو کې له بده مرغه سختې حملې وکړي، د تاتار په ځای زمونږ ځواکونه هلته د تالبانو سره په جګړې اخته شول، د تالبانو شدیدو حملو د تاتار او ملاتړو هغه خبره پخه کړه چې مونږ پښتانه نه ، بلکې تالبان وژلي دي او دا سیمه د تالبانو یو سنګر دی.
تازه د جمعیت او شورای نظار جنګي ډلې ځینو خلکو ادعا کړې ده چې د هغوي کومندان جنرال سریع ده (ملک تاتار) په ایران کې وژلی دی، هغوي د ثبوت لپاره د ده یو غږیز اخطاریه کلیپ چې اکرام الدین سریع ته یې لیږلی و د ثبوت په توګه وړاندې کوي، په یاد کلیپ کې ملک تاتار وایي چې سریع غواړي ما له ایرانه ډیپورټ کړي او تالبانو ته مې په ګوتو ورکړي، تاتار زیاتوي چې سریع دا کار نه شي کولی او که ایران نه وي نو په دوو نورو ګاونډیو هیوادونو کې هم د قومیت له مخې ژوند کولی شي.
تاتار په کلیپ کې زیاتوي که اکرام الدین سریع له دي کاره لاس وانخلي عواقب به یې په خپلې غاړې وي.