تاند ( چهارشنبه د مرغومي ـ جدي ۳مه) د بدخشان ولایت واخان ولسوالۍ کې د ۳میلیونه یورو په لګښت د اوبو رسونې یو ستر کانال چارې بشپړې او ګټنې ته وسپارل شو.
واخان کې د طالبانو د حکومت ولسوال مولوي وجهالدین ویلي،دغه کانال سره به په یو شمېر کلیو کې ۷۰۰جریبه کرنېزه ځمکه خړوبه شي.
نوموړي ویلي، یاد کانال به د کرنې ښهوالي، حاصلاتو زیاتېدو او د سیمهییز اقتصاد په پیاوړتیا کې مهم رول ولري او د بزګرانو د ځان بسیاینې لامل شي.
په ورته مهال د سیمې اوسېدونکي هم د دغه کانال د اوبو رسونې برخه کې یو مهم ګام بولي.
مسوولان وایي، واخان کې د اوبو رسونې دغه کانال چې، د رغونې چارو یې دوه کاله وخت نیولی مالي لګښت یې د اروپايي ټولنې له لوري ورکړل شوی.