تاند ( سه شنبه د لړم ـ عقرب ۲۰مه) د قزاقستان بهرنیو چارو وزیر یرمېک کوشربایف د طالبانو د بهرنیو چارو له وزیر امیرخان متقي سره ټلیفوني خبرې کړې دي.
کوشربایف په دغو خبرو کې د وروستیو زلزلو له امله د افغانانو سره خواخوږي ښودلې او اعلان یې کړی چې کابل ته به د درملو او بشري مرستو جوپه واستول شي.
هغه زیاته کړې چې د ډاکټرانو یوه ډله به هم ورسره را واستوي.
د قزاقستان بهرنیو چارو وزارت د دغه خبر په خپرولو سره ویلي، سږ کال دغه هېواد ۳.۷ زره ټنه بشري مرسته هم افغانستان ته استولې ده.
دا ژمنه داسې مهال کېږي چې، تازه د افغانستان په شمال کې زورورې زلزلې سلګونه عام خلک زیانمن کړل.