تاند (یکشنبه د تلې ـ میزان ۶مه) د افغانستان د سولې لپاره د امریکا پخواني ځانګړي استازي زلمي خلیلزاد د پاکستان پر حکومت غږ کړی، چې په کور دننه د خپلو ستونزو د حل په موخه دې عمران خان له زندانه خوشې او ملي پخلاینه پیل کړي.
نوموړی په خبله اېکسپانه پاکستان ته خبرداری ورکړی، که په دغه هېواد کې اوسنی حالت دوام ومومي؛ نو له سخت کړکېچ بې ثباتۍ او حتی وېش سره به مخ شي.
زلمي خلیلزاد په پېښور کې د پاکستان د تحریک انصاف ګوند غونډه کې د خلکو پراخ ګډون ته په اشارې ویلي، چې د عمران خان خوشې کېدل لا هم خلکو ته لومړیتوب دی او باید پاکستان تر هر څه ژر دې برخه کې کوټلي ګامونه پورته کړي.
د افغان سولې لپاره د امریکا پخواني ځانګړي استازي ټینګار کړی چې د پاکستان حکومت دې د ثبات، امنیت او ملي یووالي لپاره د خلکو ستونزو او غوښتنو ته غوږ کېږدي.
زلمی خلیلزاد یو له هغو ډېپلوماټانو دی چې د افغانستان، پاکستان او د سیمې د یو شمېر نورو هېوادونو په تړاو ژوره مطالعه لري او وخت ناوخت یې په تړاو څرګندونې کوي.
زلمې خلیل زاد په کومو برخو کې ژور ه مطاله لری ایا ژوراو مطلعه تعریف لری؟