تاند【سه شنبه د کب ـ حوت ۲۸مه】ځایي سرچینې وایي د تورخم دروازه وروسته له هغې وروسته هم تړلې پاتې، چې پرون دوشنبه یې د خلاصون په تړاو د هر ډول تګ راتګ لپاره هوکړه وشوه.
پرون دوشنبه په تورخم کې له نږدې یوې میاشتې هڅو وروسته افغان او پاکستاني سوداګرو هوکړه وکړه چې، تورخم به د هر ډول تګ راتګ پر مخ پرانېستل شي.
خو یو شمیر راپورونه د سرچینو له قوله وایي چې له پاکستان سره هوکړې ته نه دي رسېدلي.
ننګرهار کې د طالبانو د حکومت یو شمېر چارواکو ویلي، چې پاکستان غواړي ډیورنډ فرضي کرښې دې غاړې ته دوی له نظامي تاسیساتو جوړولو منع کړي، چې د یادې غوښتنې د نه منلو له امله تورخم نه دی پرانېستل شوی.
ننګرهار کې د طالبانو ولایتي چارواکو د پاکستان یاده غوښتنه د افغانستان په خاوره کې لاسوهنه بللې او ټینګار یې کړی، چې هېڅکله به یې ونه مني.
له شاوخوا یوې میاشتې راهیسې د تورخم تړل کېدو له امله افغان او پاکستاني سوداګرو ته ملیونونه ډالر زیان اوښتی او لاهم زیانونو سره مخ دي.
دواړه غاړه سوداګر غوښتنه کوي چې، د تورخم پرانېستو موضوع باید حل شي.
د یادې دروازې پر سر تر وسله والو نښتو وروسته دوه ځلې دواړه غاړه سوداګرو او قومي مشرانو جرګې هم وکړې خو لا یې پایله نه ده ورکړې.
ان شاءالله ، اوس به پوه شوي یاستئ ، چې منافقین پرخپلو وعدو وفا نه کوي.
د پنجاب استعماري او منافقه اداره هېڅکله د افغانستان او افغانانو دوست نه شي کېدای ، بنا افغان سوداګر دې خپلې ټولې سرمایې راټولې کړي او بیا دې د ابد لپاره دا لاره وتړي .