تاند【یکشنبه د کب ـ حوت ۲۶مه】د پاکستان، بلوچستان په نوشکي سیمه کې د یوې چاودنې له امله د پاکستان پنځه سرحدي ځواکونه وژل شوي او لږ تر لږه ۱۲ نور ټپیان دي.
پاکستاني رسنیو د دغه هېواد د پولیسو په حواله راپور ورکړی چې د لومړنیو مالوماتو له مخې، دغه چاودنه یو ځانمرګی برید و.
راپور کې راغلي چې ځانمرګي بریدګر له چاودېدونکو توکو ډک موټر د پاکستان د سرحدي ځواکونو له کاروان سره ټکر کړی دی.
یوې بلې سرچینې بیا د ۱۱ تنو د وژل کېدو او د ۲۱ نورو د ټپي کېدو خبر ورکړی دی.
دغه پېښه کې د وژل شویو د تپیانو شمېر وروستي نه دي.
د دې برید مسوولیت تر اوسه چا نه دی منلی.
د پاکستاني رسنیو د راپور له مخې، د پاکستاني پوځیانو دغه کاروان چې پکې اوه ټرانسپورټي بسونه او دوه موټرې شاملې وې؛ له کوټې څخه د بلوچستان تفتان سیمې ته پر لاره و.
اوس د افغانانو وار دی چی د پنجابیانو سیل وکړی. کله به مو هیر شی. هر ورځ زمونږه په هیواد ځانمرګی وه، هغه ځانمرګی چی د پاکستان په مدارسو کی تربیه او تریننګ شوی وه.