تاند【یکشنبه د سلواغې ـ دلوې ۷مه】د طالبانو د حکومت د ټولګټو وزارت خبر ورکړی، چې د افغانستان، ازبکستان، قرغزستان او چین ترمنځ د ۲۰۲۵ کال لپاره د اقتصادي دهلېز څلور اړخیزه قرار داد تمدید شو.
دغه قرارداد ازبکستان ته د ټولګټو وزارت د اوسپنې پټلۍ مرستیال مولوي محمد اسحاق صاحب زاده د سفیر په جریان کې د څلور هېوادونو ترمنځ تمدید شوی دی.
۲۰۲۴ کال کې د دغه دهلېز له لارې ۴۲۰۰ کانټینرونه انتقال شوي،چې دا مهال دغه قرارداد د ۲۰۲۵ کال لپاره هم تمدید شو.
دغه اقتصادي دهلېز په ۲۰۲۲ کال کې د افغانستان، ازبکستان، قرغزستان او چین تر منځ جوړ شوی، چې د چین له لارې له قرغزستان او ازبکستان څخه تېریږي او حیرتان – مزار شریف اوسپنې پټلۍ سره نښلول کېږي.
ټاکل شوې د دغه قرار داد تمدید سره به د یاد دهلېز له لارې انتقالات د پام وړ زیات او د سیمې سوداګریزه وده کې به مهم ګام وي.