تاند (پنجشنبه د عقرب ۱۷مه) آر اېس اېف یا د بې پولې خبريالانو سازمان د افغانستان په خوست ولايت کې د طالبانو د حکومت له لوري د “ژمن” راډيو بندول غندلي دي.
یاد سازمان د ژمن سیمه ییزې راډیو بندول د مطبوعاتو پر ازادۍ بريد بللی دی.
دغه سازمان د عقرب په ۱۶مه خپله ایکس پاڼه لیکلي چې ژمن راډیو د موسیقۍ د غږولو په تور تړل شوې ده.
یاد سازمان له طالب چارواکو غوښتي چې یادې راډیو ته ژر د خپرونو د بیا پیل اجازه ورکړي.
پرون چهارشنبه د خبریالانو ټولنې ویلي وو، چې د ژمن راډیو د طالبانو د حکومت امر بالمعروف ادارې د خپرونو په بګراونډ کې د موسیقي خپرولو له امله وتړله.
پر افغانستان د طالبانو له بیا واکمنېدو وروسته دوی پر ازادو رسنیو سخت محدویتونه وضع کړي دي.