تاند (دوشنبه، د اسد ۲۲ مه) د پاکستان پوځ نن وویل چې د دغه هېواد د استخباراتو پخوانی مشر جنرال فیض حمید یې نیولی دی.
د پوځ د رسنیو څانګې ویلي چې ښاغلی حمید د “ټاپ سټي” د استوګنې پروژې د قضیې یا سکندل په تړاو نیول شوی او د هغه د پوځي محاکمې بهیر پیل شوی دی.
ویل کېږي چې فیض حمید عمران خان ته نژدې کس دی.
فیض حمید هغه څوک دی چې د طالبانو له واک ته رسیدو وروسته کابل ته لاړ او طاهراً د افغانستان د جمهوري حکومت د پرزېدو په خوشالۍ کې یې د چایو پیاله پورته کړه.
حمید د پاکستان لوی درستیزۍ ته کاندید و او د آی ایس آی له مشرۍ څخه د دې لپاره لېرې او په پېښور کې د قول اردو مشر وټاکل شو چې لوی درستیزۍ ته یې لاره هواره شي. خو د پوځ په منځ کې اختلاف او د عمران خان د حکومت د سلب اعتماد کېدو له کبله یې دا ارمان پوره نه شو.
دی وروسته متقاعد کړل شو.
دا خو د هیبتې ځناورو لپاره ډیر بد او د ماتم وړ خبر دي. له حمید ګل وروسته دغو ترهګرو ډلو ته فیض حمید د معنوي پلار حیثیت لري. دا به معلومه سي چې، هیبتې ځناور به د خپل دغه ناجایزه پلار د نیولو په ماتم کې څو ورځي ویر وکړي؟
هغه دجهانی صاحب بیت دی چی:
زموږکږدي ېې ډوبوله. خپل دریاب ېې طوفانې سو