تاند (شنبه، د اسد ۲۰ مه) په تورخم کې د افغان کمیساري ريیس وايي، په پاکستان کې د افغان سوداګرو د مالونو او د موټرچلوونکو د لاریو د درولو له امله، تورخم ته نژدې لاریون وکړ.
په تورخم کې د افغانستان کمیشنر عبدالجبار حکمت وویل چې د پاکستان حکومت سوداګرو او چلوونکو ته د سفر لنډمهاله اسناد نه ورکوي او له همدې کبله ګڼې باري لارۍ په پاکستان کې ایساري شوي دي.
د افغانستان د سوداګرۍ او پانګونې خونو د مشرتابه غړي خان جان الکوزي هم تایید کړه چې موټر چلوونکو د پاکستان لوري په تورخم کې مظاهره کړې ده.
الکوزي زیاته کړه چې پاکستان هغه لارۍ بندې کړي چې لنډمهاله سفري اسناد نه لري.
ده پر پاکستاني او افغان طالب چارواکو غږ وکړ چې سوداګرو او موټر چلوونکو ته فرصت ورکړي چې قانوني اسناد ترلاسه کړي.
ښاغلي الکوزي زیاته کړه، د مخکینۍ موافقې له مخې، د افغانستان او پاکستان د بار وړونکو موټرو چلوونکي له پاسپورټ او ویزې پرته تر شپږ میاشتې پورې سفر کولی شي، خو د دې سند له پای ته رسېدو وروسته باید بیا نوی شي.