یکشنبه, مې 19, 2024
Homeخبرونهشهاب الدین دلاور خپل یو زوی د خپل وزارت پر یوه مهم...

شهاب الدین دلاور خپل یو زوی د خپل وزارت پر یوه مهم ریاست وګوماره

تاند (۳ شنبه، د حمل ۷ مه) راپورونه وایي، چې د طالبانو د کانونو او پټرولیم وزیر شېخ شهاب الدین دلاور، خپل یو زوی مولوي ګلاب الدین شهاب په دغه وزارت ک د اداري او خدماتو رییس ټاکلی.

د طالبانو د رژیم دغه وزارت په یوه اعلامیه کې لیکلي: «د کانونو او پټرولیم وزارت د مقام ۲۷۱ شمېرې په وړاندیز او د ریاست الوزرا د محترم مقام د ۴۶۳۸ شمېرې حکم په اساس ښاغلی مولوي ګلاب الدین شهاب د اداري او خدماتو د نوي رئیس په توګه د پلان او پالېسۍ مرستیال شیخ ضیاءالرحمن الاریوبي له لوري، د یاد ریاست کارمندانو ته ور وپېژندل شو. »

سرچینې د ګلاب الدین شهاب په اړه لیکلي، چې نوموړي مخکې په شمال کې د ډبرو سکرو تصدۍ د اداري مرستیال په توګه دنده ترسره کوله او له ډېرې تجربې برخمن دی.

 د طالبانو د منتقدانو تر څنګ، د دوی یو شمېر پلویانو هم څه موده مخکې په دولتي ادارو کې د طالب چارواکو د کورنۍ غړو په پراخو ګومارنو توندې نیوکې کړې وې او په دې اړه یې پر ټولنیزو رسنیو انتقادي کمپاین کړی و.

د ځینو نورو طالب چارواکو تر څنګ، شهاب الدین دلاور له هغو چارواکو یاد شوی و، چې د کورنۍ ډېر غړي یې پر مهمو بستونو ګومارلي.

څه موده مخکې، د طالبانو رژیم د هغه یو زوی مولوي مغفور شهاب په ازبکستان کې د افغانستان د سفارت سرپرست ټاکلی و.

دا ډول ګومارنې په داسې مهال لا هم روانې دي، چې د طالبانو مشر ملا هبت الله اخوند زاده په یوه فرمان کې په ټولو دولتي ادارو کې د طالب چارواکو د زامنو او کورنۍ غړو ګومارل منع کړي وو.

1 COMMENT

  1. مسلکی انجنییر دی په فیسبوک هم ښه پوهیږی باور وکړی یو نیم سل فریندز لری ـ

LEAVE A REPLY

Please enter your comment!
Please enter your name here

- Advertisment -

ادب