تاند (یکشنبه، د جدې ۱۰ مه) د پاکستان ډان ورځپاڼې خبر ورکړی چې تمه ده د راتلونکې جنوري میاشتې په پیل کې د طالبانو حکومت د کندهار والي ملا شیرین اخند اسلاماباد ته ولاړ شي او هلته له استخباراتي او سیاسي چارواکو سره د طالبانو او پاکستان په اړیکو کې د روان کړکېچ د اواري لپاره هڅې وکړي.
پاکستاني رسنۍ په دې تړاو نور جزییات نه دي ورکړي.
په افغانستان کې د طالبانو د واکمن رژیم دریځ هم په دې اړه نه دی څرګند شوی.
دا په داسې حال کې ده چې په نږدې راتلونکي کې د پاکستان د جمیعت علمای اسلام ګوند مشر مولانا فضل الرحمان هم د یو شمېر پاکستاني ملایانو په مشرۍ د یاد شوي هدف د ترلاسه کولو په موخه افغانستان ته سفر کوي.
د فضل الرحمان د لیدنو کتنو دقیقه اجنډا او دا نه ده څرګنده چې هغه به کابل او که کندهار مېشتي طالب چارواکي ویني.
پاکستان ته د کندهار د والي سفر په دې مهم بلل شوی چې نوموړی د طالبانو کندهار مېشتي عمومي مشر ملا هبت الله اخوند زاده ته له نږدې کسانو ګڼل کیږي.
ملا ډیزلی جاسوس او ملا شرین جاسوس د خپل کلنی راپورونه د انګلیس ناروا اولاد ای اس ای ته رسوی او د نوی ورانکاری پلانونه تسلمیژی
خد به ورځي په چړیتوب کې ټول د ای اس ای له خوا څخه غوول شوي اوسني د مدینې منافقین دي ! اوس یې خپل مذدورتوب علاني اعلان که !!