تاند (پنجشنبه، د قوس ۳۰مه) د افغانستان د اسماعیلي مذهبو مشر سید منصور نادري په یوه سفر د ایران پلازمېنې تهران ته تللی.
د تاند د سرچینو د معلوماتو له مخې، هغه ظاهراً په شخصي سفر دغه هېواد ته تللی، خو په اوسنیو شرایطو کې داسې سفرونه تر ډېره د پردې تر شا سیاسي اجنډاوې لري.
منصور نادري د افغانستان د ملي پیوند په نوم د یوه ګوند مشري هم کوله.
هغه د جمهوري نظام په وروستیو کې د مصالحې عالي شورا د غړي او د ډاکټر عبدالله د ډلې له مخکښانو څخه و.
د منصور نادري زوی سعادت منصور د ۲۰۱۴ ولسمشریزو ټاکنو څخه وروسته د ولسمشر غني لخوا د ښارجوړونې وزیر ګمارل شوی و چې وروسته د فساد په یوه قضیه کې د ښکېلتیا له امله بې دندې شو.
د منصور نادري لور زهرا نادري هم څه موده د ولسمشر غني له نږدې سلاکارانو وه چې له هغه سره یې د اړیکو له ترېنګلي کېدو وروسته د ډاکټر عبدالله پلوي پيل کړه.
په وروستیو کې ایران د طالبانو د رژیم د ملاتړ تر څنګ د دوی له مخالفانو سره هم ښې اړیکې پالي چې له هغې ډلې یې د افغانستان په لویدیز کې مشهور قومندان اسماعیل خان ته پناه ورکړې او هغه له دغه هېواده د طالبانو د رژیم خلاف د تحرکاتو ادعا لري.
طالبان باید دغه خبیث مردار کړي ددغه لاسونه هم د زرګونو بې ګناهو په وینو سره دي 😡