تاند (سې شنبې، د عقرب 30 مه) د طالبانو د حکومت د خوړو او درملو د ادارې رييس د اروپا له سفره تر راګرځېدو وروسته وویل چې د درمل جوړولو نړیوال شرکتونه لېواله دي چې په افغانستان کې د درمل جوړولو په فابریکو پانګونه وکړي.
عبدلباري عمر، په یوه خبري غونډه کې هالنډ او څو نورو اروپايي هیوادونو ته د خپل سفر د بریاوو په هکله د خبرو په ترڅ کې وویل، د درمل جوړولو ګڼو نړیوالو کمپنیو افغانستان ته د سفر او په افغانستان کې پانګونې ته لېوالتیا وښوده.
ده همداراز وویل چې ژر به په افغانستان کې حوړېدونکي درمل متحده عربي اماراتو اومصر ته صادر شي.
اروپا ته د ښاغلي عمري سفر په وروستیو ورځو کې په ځینو رسنیو کې په پراخه پیمانه منعکس شو.
نوموړي د شنبې په ورځ، په خپله اېکس پاڼه کې لیکلي وو چې اروپا ته د خپل سفر پر مهال یې په هالنډ، بلجیم، سلواکیا او جرمني کې له افغانانو سره لیدلي او د دغو غونډو عکسونه به وروسته خپاره کړي.
د ښاغلي عمري سفر هغه مهال توجه ځان ته واړوله چې د جرمني په کولن کې یو شمېر افغانانو د دوی په وینا له طالبانو سره د خپلو وړاندیزونو او نیوکو د شریکولو لپاره د نوموړي په ویاړ غونډه جوړه کړه.
ؤنشي چه لکه اکراین آسیایانو ته *زهر* جوړ کړي!
په غربیانو اعتماد مرګ دی!