تاند:( سې شنبه ، د جوزا ۱۶ مه ) راپورونه وایي، چې د طالبانو ځواکونو په کابل کې د خپل رژیم مشهور جنجالي رسنیز مدافع مبین، چې په « جنرال مبین» مشهور دی، نیولی.
د نوموړي د نیول کیدو دلیل نه دی معلوم، خو طالب پلوو رسنیزو فعالانو یې پر نیول کیدو توند غبرګون ښودلی.
د طالبانو مشهور لندن مېشتي رسنیز مدافع سید بلال فاطمي ویلي، چې طالبان د خپلو داسې پلویانو له نیولو سره څرګندوي، چې ان په خپلو لیکو کې هم نیوکه کوونکي او اصلاح غوښتونکي نه شي زغملای.
مبین، چې په « جنرال مبین» مشهور دی، اکثره وخت په ټولنیزو رسنیو او رسنیزو بحثونو کې د طالبانو د رژیم په پلوۍ د دوی مخالفان ښکنځي او د طالبانو ستاینې کوي.
هغه څو ځله د طالبانو له بیا واکمنیدو وروسته نیول شوی، خو بیا یې د نیول کیدو دلیل نه دی ښودل شوی.
دغه طالب مدافع د دوی له بیا واکمنیدو وروسته، څو میاشتې په کابل کې د طالبانو د امنیې قومندان ویاند و.
مبین په یوه تازه مرکه کې ویلي وو، چې د ژوند تر ټولو لویه پښېماني یې د طالبانو په رژيم کې کار کول و.
د هغه په وینا، طالبانو تراوسه د هغه د دندې معاشونه نه دي ورکړي.
مبین یو ځل په کندهار کې هم له هغې وروسته نیول شوی و، چې دغه ولایت ته د سفر پر مهال یې د طالبانو له مخ پټي مشر ملا هبت الله سره د لیدنې ټینګار کړی و.
د هغه د نیول کیدو خبرونه په داسې مهال دي، چې طالبان د خپلو منتقدو څېرو پر نیولو منکر دي.
د دوی منتقدان وایي، طالب رژیم د خپلو مدافعانو وړې نیوکې نه شي زغملای او بندیانوي یې، د منتقدانو د نیولو خبرونه خو یې سل په سله ریښتیا دي.
مبین تر اوسه یې د غو ځناورو لپاره نو ر خلک ښکنځل، اوس هغه وخت را رسیدلي چې د خپل سوډرتوب لپاره په زندان خپل ځان شپه او ورځ وښکنځئ!