تاند:( جمعه ، د جوزا ۱۲ مه ) د مشهورې فیشن ډیزاینرې خدیجه شاه په ګډون د پاکستان تحریک انصاف سره تړلې اووه نورې ښځې د جمعې په ورځ د ترهګرۍ ضد محکمې ته وړاندې شوې.
د تحريک انصاف ګوند اړوندې بندي شوې مېرمنې محکمې ته د دوی پر ور وړلو خواشیني ښودلې ده.
له دوی څخه د لاهور محکمې ته د مالیې د پخواني وزير سلمان شاه لور خديجه شاه معرفي شوې ده.
پولیسو هغه د قضیې د نورو پروسیجرونو د مخکې وړلو لپاره یې محکمې ته وسپارله.
خدیجه شاه د مۍ په ۲۳ مه د لاهور په اقبال شهر پولیس سټیشن کې په خپله خوښه ځان تسلیم کړ.
له تسلیمېدو وروسته د ترهګرۍ ضد محکمې هغه د اوو ورځو لپاره په قضايي توقیف کې واچوله.
د عمران خان له وروستیو متشددو لاریونو سره، د پاکستان حکومت د هغه زرګونه پلویان، چې یو شمېر مشهورې ښځې هم پکې شاملې دي، بندیانې کړي دي.
عمران خان په زندانونو کې له نیول شویو پلویانو سره یې د جنسي زور زیاتي ادعاوې کړي، خو د پاکستان حکومت دغه ادعاوې رد کړي دي.