شنبه, مې 18, 2024
Homeخبرونهد بشري حقونو ۲ سازمانونه: د ښځو خلاف د طالبانو عمل د...

د بشري حقونو ۲ سازمانونه: د ښځو خلاف د طالبانو عمل د بشریت ضد جرمونه دي

تاند:( جمعه ، د جوزا ۵ مه ) د بشري حقونو دوو مخکښو مدافع ټولنو غوښتنه کړې چې پر افغان ښځو او نجونو د طالبانو محدودیتونه دې د بشریت پرضد د جرمونو په توګه وڅېړل شي.

 د بښنې نړيوال سازمان یا ایمنسټي انټرنېشنل او د عدالت او بشري حقونو مدافعانو په یو ګډ راپور کې چې عنوان یې دی د ښځو پرضد د طالبانو جګړه ویلي دي چې پر افغان مېرمنو د طالبانو کلک محدودیتونه او غیرقانوني ځپونکي اقدامات دې د بشریت پرضد د احتمالي جنایاتو په توګه وڅېړل شي.

په دې راپور کې د بښنې د نړیوال سازمان د مشرې ایګنیس کالامارد له قوله ویل شوي چې نوموړې وايي، افغان مېرمنې د جنسیت په اساس د بشري ضد جنایاتو قربانیانې دي.

طالبانو په دې اړه غبرګون نه دی ښودلی، خو مخکې یې ورته تورونه رد کړي او ځانونه یې د ښځو د حقونو تر نورو ښه اعاده کوونکي بللي.

د طالبانو له بیا واکمنیدو سره په افغانستان کې له شپږم ټولګي پورته نجونې د زده کړو، ښځې له محدودو ادارو پرته د کار، یوازې سفر کولو، ټولنیزو فعالیتونو او ان پارک ته د تلو حق نه لري.

1 COMMENT

  1. ای بی ناموسو تاسی هغه وخت چیری وی چی پر همدغه ښځو او ماشومانو بی ٥٢ او دکروز راکتونو باران ؤ تاسی هغه وخت چیری وی چی اشغالګرو د دافغانستان پر غریبو کلیوالو دشپی مرګونی چابی اچولی لغنت ستاسی بر بشری حقوقو شه

LEAVE A REPLY

Please enter your comment!
Please enter your name here

- Advertisment -

ادب