تاند: (جمعه، د کب ۵ مه) د طالبانو د لوی څارنوال ملا شمس الدين پهلوان په مشرۍ د دوی يو پلاوی د افغان بندیانو د وضعیت ارزونې په موخه ايران ته سفر کړی.
د طالبانو د خبرپاڼې له مخې، په دې پلاوي کې يو شمېر نور طالب چارواکي هم شامل دي.
طالبانو دغه پلاوي د سفر په اړه نور جزییات نه دي ورکړي.
د پاکستان تر څنګ د ايران له لوري هم افغان کډوالو سره د ناوړه چلند او په زندانونو کې بې د بې سرنوشته ساتلو خبرونه ډېر ورکول کېږي.
دا لومړی ځل دی، چې طالب چارواکي یوه ګاونډي هيواد ته د افغان بندیانو د وضعیت ارزونې په موخه لوړپوړی پلاوی لیږي.
ايراني چارواکو مخکې افغان کډوالو او بنديانو سره ناوړه چلند رد کړې دی.