تاند:(چار شنبه،د سنبلې شپاړسمه) د پاکستان د بلوچانو د ازادۍ جبهې (بیالاف) په يوه نوي اقدام کې ۵نور پاکستاني سرتیري وژلي.
د ازادۍ غوښتنې او بېلتون پالنې دغې جبهې ويلي،چې ياد شوي پاکستاني پوځيان ېې د بلوچستان په دولیجي سیمه کې د ماین چاودنې پر مهال وژلي.
د بلوچ ازادي غوښتونکو وياند گهرام بلوچ ويلي، چې په دغه چاودنه کې د پینځو پاکستاني پوځیانو د وژل کیدو تر څنګ يو بل پوځي ټپي شوی دی.
سرچينه زياتوي،چې له پېښې وروسته پاکستاني پوځيانو ځايي خلک وهلي ډبولي دي.
د پاکستان پوځ په دې اړه څه نه دي ويلي.
دغه پوځ په وروستيو کې د بلوچ ازادي غوښتونکو او تحریک طالبان پاکستان په بریدونو کې د خپلو ډېرو سرتېرو د وژل کیدو راپورونه تاییدوي.