تاند( سې شنبه ، د اسد ۱۱ مه) د طالبانو د چارو ادارې ويلي، چې د دوی د کابينې غونډه د رئيس الوزراء الحاج ملا محمد حسن اخند په مشرۍ او د ټولو وزارتونو د سرپرست وزيرانو او د مستقلو ادارو د رئيسانو په ګډون جوړه شوه.
د دغې ادارې د خبرپاڼې له مخې،په دې غونډه کې د يو شمېر لغوه شويو ادارو د کارکونکو د برخليک ټاکلو، د ترافيکي پېښو او بې نظميو د مخنيوي طرحې بيا کتنه او نوري فايبر د غځونې اړوند پاليسۍ څېړنې په اړه خبرې شوې دي.
سرچينه زياتوي:« په دې غونډه کې،چارو ادارې او د رياست الوزراء د مقام لوی رياست له لوري ګډ پلاوی ګومارل شوی،چې د يو شمېر لغوه شويو ادارو د کارکوونکو د شمېر، شهرت او ځانګړنو په اړه معلومات راټول او له خپلو ځانګړو نظرونو سره دې د کابينې غونډې ته وړاندې کړي.»
طالبانو په خپله دې غونډه کې د ترافيکي پېښو او بې نظميو د مخنيوي په موخه د ترافيکي طرحې او د نوري فايبر د غځونې اړوند د پاليسۍ د دقيقې څيړنې د پریکړو خبر هم ورکړی.
د طالبانو له بيا واکمنيدو سره د افغانستان له اداري نظام څخه د دوی له لوري ځینې مهم بنسټونه لغوه شول، چې توند غبرګونونه ېې را وپارول.
طالبانو د ډېرو مسلکي ادارو په رهبرۍ او تخصصي بستونو کې هم خپل ملایان ګومارلي، چې ورسره ډېر کادرونه وزګار او بې برخلیکه شوي دي.
ملا صاحب دومره ساده گي هم خوند نه كوي لكه تاسى چی شروع کری دی.