تاند( جمعه ، د سرطان ۳۱ ) د لغمان په مرکز مهترلام ښار کې پرون د طالبانو جنګياليو د بې نظمۍ د سمولو لپاره د مرسته غوښتونکو بېوزلو پر جوپې هوايي ډزې کړي، چې يو تن پکې وژل شوی او ۴ نور ټپيان دي.
يوه باوري سرچینه وایي، چې مرسته د مهترلام ښاروالۍ ته څېرمه د یوې موسسې له لورې وېشل کېده، چې د خلکو ګڼه ګوڼه ډېره وه.
ويل شوي،چې د ډزو له کبله د وحیدالله په نوم د پشه يي سیمې یو ملکي وګړی ووژل شو او څلور نور ټپيان شول.
څو میاشتې مخکې په لغمان کې د پاسپورټ ریاست د مراجعینو پر کتار هم طالبانو ورته ډزې کړې وې، چې يو شمېر کسانو ته ېې مرګ ژوبله اړولې وه.
طالب چارواکو او وياندويانو په دې اړه رسنیو ته څه نه دي ويلي.