تاند( دوشنبه، د جوزا ۳۰ مه) د افغانستان د هوا پېژندنې ادارې په ۱۴ ولایتونو کې د ورښتونو او سيلابونو خبرداری ورکړی.
ويل شوي، چې دا ورښتونه او سېلابونه په شمالي، شمال ختیزو او ختېزو ولایتونو کې اټکل شوي دي.
بدخشان، تخار، کندوز، بغلان، سمنگان، نورستان، کونړ، ننگرهار، لغمان، پنجشیر، پروان، پکتیا، خوست او پکتیکا هغه ولایتونه دي، چې د دغو ورښتونو او سيلابونو وړاندوينه پکې شوې ده.
ويل شوي، چې پرون په جوزجان کې د سېلابونو لړۍ پیل شوې او د بلخ ولايت پر لور روان دی.
چارواکو د زيانمنو سيمو له خلکو غوښتي، چې د سرونو د خونديتوب لپاره په عاجل ډول تدابير ونيسي.