تاند( دوشنبه، د جوزا ۲۳ مه) په داسې حال کې، چې خلک په خوست کې د ځنګلونو د اور وژلو له کبله د دې ولايت د ځوانانو رضاکارانه اقدام ستايي، د ننګرهار په يوه ځنګل کې د اور لګېدنې خبر ورکړل شوی.
د طالبانو تر کنټرول لاندې باختر خبري اژانس ويلي، چې دغه اور د ننګرهار هسکې مېنې ولسوالۍ په ځنګل کې لګېدلی.
ځايي چارواکي وايي چې د اور مهارولو لپاره سیمې ته خلک استول شوي او د کابو کولو هڅې یې روانې دي.
ننګرهار په کونړ، نورستان او خوست پسې څلورم ولایت دی چې په ځنګل کې یې اور لګېږي.
د طالبانو ځايي چارواکو د اور لګېدنې د دغو پېښو د علت په اړه څه نه دي ويلي.
خلک دې پرله پسې اور لګېدنو اندېښمن کړي دي، ځکه خو طالب چارواکو نه د وضاحت غوښتنه کوي.