تاند( دوشنبه، د جوزا ۲۳ مه) د پاکستان د پیپلز ګوند مشر او د بهرنيو چارو وزير بلاول بوټو زرداري ټينګار کړی، چې د پاکستان له لوري د ترهګرۍ او افغانستان اړوندې پريکړې بايد د دغه هېواد پارلمان وکړي.
نوموړي دغه راز ويلي، چې د پاکستان له تحریک طالبان سره د سولې مذاکراتو فيصلې هم باید د پاکستان پارلمان ته پريښودل شي.
د هغه په وينا، دا غوښتنې یې د ګوند اړوندې دي، چې په خپله وروستۍ ځانګړې غونډه کې ېې ټینګار ورباندې کړی.
د پاکستان د پیپلز ګوند د مشر او بهرنيو چارو وزير دا څرګندونې په داسې حال کې دي، چې ویل کیږي له تحریک طالبان پاکستان سره د سولې د روانو خبرو، د افغانستان او ترهګرۍ په اړه د متفاوتو لیدلورو او نورو مسايلو په اړه د دغه هېواد د پوځي حاکمانو او ملکي حکومت تر منځ ناندرۍ په زیاتیدو دي.
د پاکستان له جوړیدو څخه تر اوسه، د دغه هېواد اصلي واګې، امکانات او صلاحیتونه د دغه هېواد له پوځ سره دي او نورې برخې او سیستمونه ېې ټول سمبوليک شکل لري.
د پیلپز ګوند، چې د پخوانۍ صدراعظمې بینظیر بوټو سياسي وراثت کوي.
بینظیر بوټو په ۲۰۰۹ کې په داسې مهال، چې د پاکستان د پوځ او پوځي حکومت سیاستونه ېې نقدول، په يوه مرموز برید کې ووژل شوه.
د دغه برید مسؤولیت د پاکستان تحریک طالبان پر غاړه واخیست، خو شنونکي په دې دليل چې دغه ډله پوځ رامنځته کړې ده، د وژنې اصلي دليل پوځ باله.
دا ټوله ترهګري د ISI استخباراتي شبکې، پنجابي پوځي مشین، مفسد سیاسي چارواکو او مذهبي سخت دریځو ډلو څخه سرچینه اخلي، افغانستان یواځې د ترهګرۍ قرباني او د ترهګرۍ د جګړې ځپل شوی هیوادی.
که نړیواله ټولنه واقعا غواړي چې د ترهګرۍ پر ضد ګامونه واخلي، نو د شمالي کوریا او ایران نه دې مخکې د پنجاب اسټبلیشمینټ په ضد دې بندیزونه او عملي سخت ګامونه واخلي. او افغانستان سره دې د ډیپلوماتیکو او ډیالوګ له لارې ټولې شخړې حل کړي.