تاند:( سې شنبه، د جدي اوومه) په کندهار کې د طالبانو چارواکي وايي، چې د دوو نوو کانالونو د جوړيدو ترڅنګ یې د احمد شاهي کانال د پاکولو چارې پيل کړي.
د کندهار لپاره د طالبانو ښاروال حاجي نعمتالله حسن ویلي: لومړۍ پروژه د کندهار ۱۲مي ناحیې په عمومي جاده کې د ۱۳۰۰ متره په اوږدوالي سره د یوه کانال جوړېدل دي.
د هغه په وينا، دويمه پروژه د ۱۲مي ناحیې په لومړي ګذر کي د ۹۵۰ متره په اوږدوالي سره د بل کانال جوړېدل او درېیمه پروژه د احمدشاهي کانال د پاکول دي.
په کندهار کې د طالبانو د ښاروال په وينا، دا درې واړه پروژې په شپږو میاشتو کې عملي کيږي او ۹۶۰ غیر مسلکي کسانو ته د کار زمینه برابروي.
ويل شوي، چې د دغو پروژو مالي تمویل د خوړو نړیواله اداره «WFP» کوي او د ښه تطبیق په موخه یې بیا کندهار کي د مهاجرینو «KRO» موسسه د کندهار ښاروالۍ سره همکاره ده.
چارواکو ويلي، چې د دغو کانالونو له جوړېدو سره به د په کندهار کې د سیلابونو خطر تر يوې اندازې کم شي.