تاند:(پنجشنبه، د جدي دويمه) راپورونه وایي، چې په کابل ښار کې د پاسپورټ ریاست مخې ته چاودنه شوې ده.
د لومړنیو راپورونو له مخې، چاودنه غرمه مهال شوې، خو تراوسه یې څرنګوالی او جزییات نه دي معلوم.
د طالبانو چارواکو هم د دغې چاودنې په اړه څه نه دي ویلي.
ویل کیږي چې د کابل په ګډون په یو شمېر ولایتونو کې لا له وړاندې د پاسپورټ اخیستلو پر بهیر د چاودنو وېره موجوده وه او له همدې کبله په ځینو ولایتونو کې دغه بهیر په وقفه یي ډول درول شوی و.
د طالبانو د حکومت له پرېکړې سره سم د پنجشنبې ورځې یوازې طالب چارواکو او د دوی غړیو ته د پاسپورت ورکولو لپاره ځانګړې شوي دي.
د طالبانو د کورنیو چارو وزارت وايي چې د پاسپورت د دفتر مخته یې د چاودنې مخه نیولې ده.
د پاسپورټ د دفتر ريیس ښاغلی حقاني وايي چې حمله کوونکی تر برید مخکې ویشتل شوی او وژل شوی دی.
ویل کېږي چې حمله کوونکي په ځان پورې د ځانوژنې واسکټ تړلی و.
د پېښې نور جزییات له تاند څخه تعقیب کړئ.