د ټولې پښي په اوږدو کې يوه عصبي رشته شته چې په لاتين ورته سياتيک sciatic nerve او د خلګو په ساده اصطلاح ورته د زنګون رګ يا کله کله غوايي رګ هم وايي خو په اصل کې خپله دا يوه غټه عصبي رشته ده.
دا غټه عصبي رشته له خاصره لګن څخه شروع کيږي د پښو په شاتنۍ برخه کې او د زنګون په اوږدو کې ادامه لري د پښو دتلي يا د پنډۍ تر برخې پوري رسيږي.
د دې عصبي رشتې درد د سياتيک درد په نامه هم ياديږي.
عموماً د سیاټیک مريضان خپل شکايت داسي بيانوي ((له ملا څخه مې درد شروع شي دا درد بيا د زنګون په اوږدو د پښي د شاتنۍ برخې تر تلي پوري ادامه لري.)) دا د همدغه سياتيک يا د زنګون د عصبي رشتې درد دی.
سببونه یې:
* کېدای شي په ستون فقرات کې عصبي رشتې تاواني شوې وي.
* ممکن د شکرې د ناروغي له کبله وي.
* د ارام مغز د التهاب څخه کهم رامنځته کېدای شي.
* په خاصره لګن کې د هډوکو د خرابېدو له امله هم پیدا کېدای شي.
* په ورون يا کوناټي کې د غلطې بيچکارۍ د لګيدو په وحه هم کېدای شي.
* د بي نظمه حرکت له کبله هم کېدای شي.
نښې نښانې:
* د زنګون شخوالی او درد
* په زنګون کې بې حسي
* له ملا څخه تر تلي پوري درد
* په ناسته په ولاړه، په حرکت کې د زنګون درد
* د کار کولو په وخت کې چې کار اوږد وخت ونيسي درد ورپيدا سي
تداوي:
* استراحت
* د ډاکتر یا فزیوتراپیسن له سپارښتنې سره سم فزيکي تمرين.
* د درد درملنه
* په ملهمو غوړول او ماساژ يا چاپي کول.
معلوماتو څخه مو مننه