تاند(دوشنبه، سنبلې ١) – د اسلامي هېوادونو د همکارۍ سازمان د افغانستان له راتلونکي جوړېدونکي حکومت وغوښتل چې په دې هېواد کې دې بيا ترهګرو ته پټنځاى نه ورکوي.
د اسلامي هېوادونو د همکارۍ سازمان يا ‘او اى سي’ دغه غوښتنه تېره ورځ د افغانستان د وضعیت په اړه د بحث لپاره جوړه شوې ځانګړې غونډه کې کړې ده.
دغه سازمان د يوې اعلاميې په خپرولو سره د افغانستان د راتلونکې نظام له مشرتابه او نړیوالې ټولنې غوښتنه وکړه چې، افغانستان باید بيا هېڅکله د ترهګريزو ډلو په خوندي ځای بدل نه شي او ترهګرو ته باید اجازه ورنه کړل شي چې په افغانستان کې د پښو د اېښودلو ځای ومومي.
د طالبانو اسلامي تحریک تراوسه د اسلامي هېوادونو د همکارۍ سازمان د دې نوې غوښتنې په اړه څه نه دي ویلي.
دغه سازمان وايي، يو پلاوى يې افغانستان ته راځي څو د بشري کړکېچ، سولې، ثبات او د افغانانو ترمنځ د پخلاینې پر اهمیت ټینګار وکړي.
ياده دې وي چې طالبانو د ۱۹۹۶ او ۲۰۰۱ کلونو ترمنځ په خپله لومړۍ دوره کې د القاعده شبکې مشر اسامه بن لادن ته چې پر متحدوایالاتونو د ۲۰۰۱ کال د سېپټمبر د یوولسمې د بريدونو مسوولیت یې منلی و، پناه ورکړې وه چې په پايله کې یې امریکا او د ناټو ځواکونو پر افغانستان برید وکړ او د طالبانو رژیم یې وپرځاوه.
د اسلامي هېوادونو د همکارۍ سازمان 57 غړي لري او مرکز یې د سعودي عربستان په جدې ښار کې دی.
دا شرمیدلی سازمان دامریکایانو قراردادی دی چه تر وجود یی عدم ښه ده. ددوی تر فایدی تاوان زیات دی.
ثابته ، ایا تاسی ددی شرمیدلی امریکائي سازمان چوکات کښی د لوځکو په شان همدا امریکا نه ښکته پورته کوی او تاسی د غلام پنجابی پاکستان تر کنترول لاندی نه یاستۍ ؟؟؟ که ئی نه منی هم اما همداسی دی، د تاسو چتلی او خائينی څیری اوس پټیدای نشی اوس تاسی جهان کښی رسوا شوی یاستۍ !!!!
د حقانی د ډلی د ټول بدن د غړو له جملې څخه فقط بجیلکی او د پښو پنجې د افغان په خاوره کی غونځیږی نور ئې ټول بدن او ټول وجود د انګریز په اختیار کی دی، د طالب د تشکیلاتو ځینی برخی شاید یوازی د پاکستان په واک کی وی خو د حقانی شبکه مستقیماً د لندن په اختیار کی ده.
حقانی او د حقانی کورنۍ د ګوډ مُلا یو بل نسل دئ.