تاند- د کابل په دیپلوماتیکه سیمه کې زوروه چاودنه شوې ده.

لومړني راپورونه ښيي چې دا چاودنه د ملي امنیت ریاست او یوه ګڼ مارکیټ ته څېرمه شوې ده.

ځینې راپورونه وايي چې چاودنه د دفاع وزیر بسم الله محمدي د کور مخته شوې او ورپسې څو تنه انتحاریانو له امنیتي ځواکونو سره نښته پیل کړې ده.

دا لا څرګنده نه ده چې انتحارایان د محمدي کور ته په ننوتو بریالي شوي او که نه دي.

له چاودنې وروسته د ډزو اوازونه اورېدل شوي دي.

تر دې دمه هیڅ چارواکي او کره سرچینې د چاودنې د څرنګوالي او د د احتمالي هدف په اړه څه نه دي ویلي.

یوې سرچینې تاند ته وویل چې چاودنه موټربمي وه او ګڼو کسانو، په تېره بیا لارویانو ته مرګ ژوبله اوښتې ده.

د سرچینې په وینا په شیرپور کې په دې برید کې د کندهار د پنجوايي ولسوالۍ پخوانی امنیه قوماندان جنرال سلطان محمد او د کورنۍ ۵ غړي یې برسېرن ټپیان شوي دي.

دا خبر همدلته تازه کېږي.