تاند(شنبه، د ثور۲۷) د افغانستان لپاره د هند د غنمو زرګونه ټنه مرسته نن له چاه بهار بندر څخه په ۳۰۰ کانتینرونو کې د زرنج په لور روانه شوه.
د ایران د سیستان او بلوچستان ولایت یوه چارواکي جلال الدین قادري وویل، د افغانستان لپاره د هند ۷۵ زره ټنه غنم د چاه بهار بندر ته رارسېدلي دي.
د قادري په وینا د ورځې ۹۰ کانتینرونه له چاه بهار بندر څخه افغانستان ته د هند د غنمو مرسته رسوي.
د هند د مرستې لومړۍ جوپه د روانې مې په دیارلسمه نېټه چاه بهار بندر ته رارسېدلې وه.
قادري وايي چې په ۱۲ ورځو کې افغانستان ته ۵ زره ټنه غنم رسول کېږي.
هند وروسته له دې چې کورونا وایرس په افغانستان کې خپاره شول، له افغانستان سره لږترلږه د ۱۰ زره ټنه غنمو مرسته اعلان کړه.
دې هیواد په تېرو ۱۹ کلونو کې له افغانستان سره د څه باندې ۴ ملیارد ډالرو مرسته کړې ده.
د هند مرستې به له چاه بهار بندر څخه هرات، کندهار، کابل او بلخ ولایتونو ته ولېږدول شي.
*۳ سوه