سه شنبه, جون 25, 2024
Homeخبرونهزابل کې د ترافیکي پېښې له امله ۲۱ تنو ته مرګ ژوبله...

زابل کې د ترافیکي پېښې له امله ۲۱ تنو ته مرګ ژوبله اوښتې

تاند ( جمعه، د غویی ۳ ) راپورونه وایي، تېر ماښام زابل ولایت کې د مارسیډیز او ټېلر موټر ټکر کړی چې له کبله یې ۱۴ تنو خپل ژوند بایللی دی.

پېښه د کندهار – کابل پر لویه لاره د زابل ولایت مرکز کلات اړوند د جلدک سیمه کې رامنځ ته شوې ده.

سرچینې وایي، پېښه کې ۶ تنه نور ټپیان شوي چې اوس مهال د زابل ولایتي روغتون کې تر درملنې لاندې دي.

د راپورونو له مخې، یاد کسان ټول د ننګرهار ولایت پچیراګام ولسوالي اوسېدونکي دي.

سرچینې وایي، یاد کسان هلمند ولایت ته د مزدورۍ په موخه تللي وو چې د اختر د رخصتي لپاره بېرته د راتګ پر مهال یې زابل ولایت کې موټر ټکر کړی دی.

د معلوماتو له مخې، په مړو کې ۱۲ تنه پچیر اګام ولسوالي د لاندې صبر او دوه تنه نور یې د ضمرخېلو سیمې اوسېدونکي دي.

د ننګرهار والي ضیاالحق امرخېل هم په پېښه خواشیني ښودلې او وایي د زابل له والي سره یې د ټپیانو د ښه مراقبت په موخه خبرې کړې دي.

نوموړي پر خپل فېسبوک لیکلي: ((په ډیرې خواشینۍ سره خبرشوم؛ چې د ننگرهار ولایت د پچیر اګام ولسوالۍ اوسیدونکي وطنوال دکابل-کندهار په لویه لاره په یوه ترافیکي حادثه کې(۱۴) شهیدان او (۶)ټپيان شوي دي. د زابل والي صیب سره مې په تلیفون د ټپيانو د درملنې په اړه خبرې وکړې چې له نیکمرغه دښې پاملرنې او مواظبت ‌‌‌‌‌‌ډا‌‌‌‌‌‌ډ یې راکړ.))

دا په داسې حال کې ده چې د دا ډول پېښو ډیری علت د موټر چلوونکو بې احتیاطي په ګوته کیږي چې دې وروستیو کې یې کچه خورا لوړه شوې او له کبله یې د هېواد له بېلا بېلو ولایتونو د مرګ ژوبلو راپورونه ورکول کیږي.

LEAVE A REPLY

Please enter your comment!
Please enter your name here

- Advertisment -

ادب