تاند ( چهارشنبه، د حمل ۴) په لیبیا کې د مرستې رسوونې یو سازمان ویلي، چې د دغه هېواد سواحلو ته څېرمه د یوې کښتۍ ډوبېدو پېښه کې ۶۰ تنه مړه شوي دي.
د دغه سازمان په وینا په ډوبه شوې کښتۍ کې تر سل ډېر کسان سپاره وو.
سرچینه زیاتوي چې کښتۍ د ډېر وزن په خاطر د ماشین تر ګرمېدو وروسته اور اخیستی او ډوبه شوې ده.
د سرچینې په حواله په دې پېښه کې د ډوب شویو کسانو له ډلې تر اوسه د یوه کس جسد هم نه دی موندل شوی.
یاد سازمان ویلي چې دوی د ډوبې شوې کښتۍ د سپرلیو اضطراري تماسونه تر لاسه کړي وو، چې وروسته یې مرستندویه ډلې سیمې ته واستولې.
په لیبیا کې د مرستې رسوونې سازمان وايي تر اوسه پورې یې د ژغورنې عملیاتو هیڅ پایله نه ده ورکړې.