تاند ( چهارشنبه، د حمل ۴) بصیره رسولي د فاطمه عزیز پرځای د ولسي جرګې وکیله وټاکل شوه.
ډاکټره فاطمه عزیز په ولسي جرګه کې د کندز د خلکو استازې وه او څه موده وړاندې د ور پېښې ناروغۍ له امله مړه شوه.
د کندز ولایت د ښځینه نوماندانو په لېست کې بصیره رسولي درېيم ځای درلود او له همدې امله یې د ټاکنو له کمېسیون نه وثیقه ترلاسه کړه او د ولسي جرګې غړې شوه.
فاطمه عزیز د خپلې مړینې پر مهال ۴۷ کلنه وه، هغې دوه دورې په ولسي جرګه کې د کندز ولایت د استازې په توګه دنده ترسره کړه.
مېرمن عزیز د نسايي ولادي ډاکترې په توګه هم ۱۲ کاله کار کړی و.