تاند(سه شنبه، د جدي ۳۰) د امریکا د ولسمشر ډونالډ ټرمپ مرستیال مایک پنس وایي، په افغانستان کې د امریکایي سرتېرو شتون د دې لامل شو په امریکا کې د سپټمبر د ۱۱مې ورته پېښې ترسره نه شي.
د امریکا د ولسمشر مرستیال په خپلو خبرو کې په دې هیواد کې په یو نظامي قرارګاه کې ویلي دي، چې په افغانستان کې د امریکايي سرتیرو د شتون دلیل په دې هیواد کې خلکو ته د آزادی تمه پیدا کړې ده او اوس د یو ښه راتلونکي لپاره په خپل منځ کې خبرې اترې کوي.
نوموړي زیاته کړه، چې د تېر کال له فبروري څخه تر اوسه هیڅ امریکايي سرتیري ته د افغانستان په جګړه کې زیان ندی رسیدلی.
دا په داسې حال کې ده چې څه موده مخکې د امریکا د بهرنیو چارو وزیر مایک پامپیو هم له افغانستانه د امریکايي سرتیرو د وتلو په اړه ويلي و، چې په تیر میلادي کال کې په افغانستان کې د امریکايي سرتیرو شمیر صفر ته رسیدلی دی او د نوموړي د دې خبرې ته افغان چارواکو غبرګون ښودلی ځکه چې د دوې د سرتیرو د نه زیان لامل د جګړې نه کول کیداې شي.