تاند (دوشنبه د جدي ۲۹) نامعلومو وسله والو په لوګر کې دوه ورونه چې د ملي امنیت کارکوونکي و، په ډزو وژلي دي.
د راپورنو له مخې، د فرهاد او ميرويس په نوم دغه کسان نن غرمه هغه مهال د لوګر په مرکز پل علم ښار کې په نښه شول چې په یوه دوکان کې د ننه ناست و.
ویل کېږي په دغو کسانو یوه وسله وال بریدګر ډزې وکړې او دواړه یې ووژل، چې خپله بریدګر د پېښې له ځایه تښتېدلی دی.
تر اوسه کوم چا یا ډلې ددې برید مسؤلیت نه دی منلی.