تاند(چهارشنبه، د جدي ۱۰) کورنیو چارو وزارت وايي، د ملي پولیسو ځانګړو ځواکونو د نشه يي توکو پر وړاندې د مبارزې منسوبینو سره یوځاې د پکتیا ولایت په میرزکه ولسوالۍ کې ۲۰۰ کیلوګرامه چرس نیولي دي.
د کورنیو چارو وزارت په خپره شوې خبرپاڼه کې راغلي، د ملي پولیسو ځانګړو ځواکونو د نشه يي توکو پر وړاندې د مبارزې منسوبینو سره یو ځاې د پکتیا ولایت په میرزکه ولسوالۍ کې عملیات ترسره کړی چې په ترڅ کې يې ۲۰۰ کیلوګرامه چرس کشف او ضبط کړي دي.
دا په داسې حال کې ده چې په وروستیو کې په ډیری ولایتونو کې زیات کسان د نشه يي توکو د قاچاق په تور نیول کیږي.
کابو درې ورځې مخکې په کابل، هلمند او هرات ولایتونو کې پنځه کسان د نشه يي توکو پلور او قاچاق په تور ونیول.