تاند(یکشنبه، د قوس ۲) د راپورونو له مخې د کاناډا حکومت امر کړی چې ددې هېواد تر ټولو ستر ښار تورنتو ژر تر ژره کرنتین کړي او ډېرې غیر ضروري برخې یې وتړي.
دمګړی په کانادا کې د کورونا د مثبتو پېښو شمېر په ۲۴ ساعتونو کې پنځه زره کسانو ته رسېږي.
په ورته وخت کې د امریکا په کالفورنیا کې هم پر ځینو مواردو بندیزونه وضع شوي دي.
ځایي ادارې ویلي دي چې د شپې ګرځبندیز او د چکر مېلې ځایونه هم تړل شوي او د کورونا د پراختیا د مخنیوي لپاره به پر ځینو نورو اقداماتو هم لاس پورې کړي.
په ورته وخت کې په اروپايي او ځینو اسیايي هېوادونو کې هم د کورونا دویمه څپه خطرناکه بلل شوې ده.