تاند ( چهارشنبه، د سنبلې ۲۶) ارګ له سي بي اېس نیوز سره د طالبانو د مذاکراتي ټیم د غړو وروستۍ خبرې د سولې د روحیې پر ضد بللې دي.

د ولسمشر ویاند صدیق صدیقي ویلي، د طالبانو دا خبرې، چې غواړي د افغان ځواکونو مسوولیت پر غاړه واخلي، د سولې روحیې خلاف دي.

صديقي دغه راز زیاته کړې، چې د طالبانو دا ډول خبرې د افغانستان د وګړو او نړیوالې ټولنې لپاره، چې د یوې تلپاتې سولې په لټه کې دي، اندېښمنونکي او ناهیلې کوونکې دي.

د یادونې ده، چې سي بي اېس نیوز د طالبانو د سیاسي دفتر د یو غړي له قوله ویلي، چې دوی ته باید لږ تر لږه پنځه وزارتونه ورکړل شي.

سرچینې زیاته کړې د یو بشپړ اسلامي نظام تر چتر لاندې له ملي امنیتي او دفاعي ځواکونو سره هم کومه ستونزه نه لري.

https://taand.net/%da%ab%d9%88%d8%aa%d8%b1%db%90%d8%b4-%d9%be%d9%87-%d8%a7%d9%81%d8%ba%d8%a7%d9%86%d8%b3%d8%aa%d8%a7%d9%86-%d8%a7%d9%88-%d9%86%da%93%db%8d-%da%a9%db%90-%d8%af-%d8%a8%d8%b4%d8%b1%d8%af%d9%88%d8%b3%d8%aa/