تاند ( جمعه، د سنبلې ۱۴) افغانستان کې د سولې ولسي مجمع غړي وایي، چې حکومتي کړۍ د سولې له پروسې سره سیاسي چلند کوي.
دوی دغه راز د سولې پر مرکچي پلاوي او د مصالحې عالي شورا په جوړښت هم سختې نیوکې کوي.
د یادې مجمع غړي وايي، چې د ملي روغې جوړې په عالي شورا کې حکومت داسې کسان ځای پر کړي چې، د سولې سره هېځ لېوالتیا نه لري.
دوی دغه راز د اندېښنو تر څنګ له حکومت او طالبانو غواړي، چې د سولې فرصت له لاسه ورنه کړي او خبرې ګړندۍ کړي.
دوی داسې انګیري، چې په داخل کې ځینې واکمنې کړۍ د سولې له پروسې سره د شخصي ګټو او واک کې د پاتې کېدو په موخه سیاسي چلند کوي او نوي خنډونه ورته جوړوي.
د یادې مجمع د غړو په خبهر دلته د بندیانو وروسته د سولې په مخ کې ملېشو جوړول دي، چې په اړه یې جدي اندېښنې شته دي.
دا په داسې حال کې ده، چې د سولې پر وړاندې لوی خنډ د پاتې طالب بندیانو خلاصون یادېده خو د امنیتی سرچینو د معلوماتو له مخې تېرماښام د بندیانو خلاصون پروسه هم بشپړه شوه او پکار ده چې بین الافغاني مذاکرات ژر پيل شي.
تیره ورځ د افغان حکومت د مذاکراتي ټیم مشر هم ویلي وو، چې ژر به بین الافغاني خبرې له طالبانو سره پيل شي.
https://taand.net/%d8%b3%d8%aa%d8%a7%d9%86%da%a9%d8%b2%db%8c-%d8%af-%d8%b3%d9%88%d9%84%db%90-%d8%a8%d9%8a%d9%86%e2%80%8c%d8%a7%d9%84%d8%a7%d9%81%d8%ba%d8%a7%d9%86%d9%8a-%d8%ae%d8%a8%d8%b1%db%90-%da%98%d8%b1-%d9%be/