تاند- په چین کې یوه جراح ډاکتر د ۵ جي اینترنیټ په مرسته له ۳ زره کیلومتره لېرې څخه د لومړي ځل لپاره د مازغو جراحي عملیات کړي دي.
د ډیلي مېل ورځپاڼې د راپور له مخې، چینايي رسنیو ویلي چې د ولسي ژغورنې پوځ د عمومي روغتون ډاکتر لینګ ژي پي له ۳ زره کیلومتره لېرې واټن څخه د پارکینسن یا رېږد په ناروغۍ د یوه اخته ناروغ په مازغو کې د جراحي عملیاتو له لارې یو ایمپلینټ نصب کړ.
دې جرحي عملیاتو نژدې ۳ ساعته دوام وکړ.
د ده په وینا دا نوې ټکنالوژي له ډاکترانو سره مرسته کوي چې د نړۍ په لېرې سیمو کې جراحي عملیات وکړي.
تراوسه څرګنده نه ده چې دې چینايي ډاکتر په څه ډول روباټونه له لېرې کنترول کړي دي.
تر دې مخکې د ۵ جي انیترنیت په مرسته د موبایل په نړیوال کانګریس کې د یوه ناروغ د ځیګر جراحي عملیات شوي وو.