د څو مهمو ورزشي خبرونو سرلیکونه
په ننګرهار کې ددې ولایت ورزشي خبریالانو مشورتي ناسته وکړه
یکشنبې په مازیګر ناوخته په سراج العمارت بڼ کې د ننګرهار د ورزشي خبریالانو تر منځ مشورتي ناسته تر سره شوه او په یو لړ مهمو موضوعاتو یې بحث او مشورې تر سره کړې.
ګرییزمان په یوویشتمه پیړۍ کي د بارسلونا لومړی لوبغاړی شو، چې د نیو کمپ په لومړۍ لوبه کې یې دوه ګولونه ولګول.
د تکواندو افغان لوبډله بلغارستان ته رسېدلې، د افغانستان د تکواندو ملي لوبډله په آی ټي اف نړیوالو سیالیو کې د ګډون په موخه بلغارستان هېواد ته لاړه.
دا د یادو سیالیو ۲۱م پړاو دی او ټاکل شوې دا سیالۍ نن پېل او د پنځو ورځو دوام وروسته د راتلونکې پنجشنبې په ورځ پای ته ورسیږي.
د سیر اې په لومړۍ لوبه کې د اینسینیی په زړه پورې کارنامه. دوه ګولونه او دوه د ګول پاسونه. هغه په سیر اې کې په لومړي ځل په یوه لوبه کې په 4 ګولونو کې مستقیم تاثیر درلود.
د الاویز چیلیایی دفاعی لوبغاړی ګیلرمو ماریپان په 5 کلن قرارداد د موناکو سره یو ځای شو.
بایرن میونیک په دوستانه لوبه کي ویلشوفن ته 13-1 ماته ورکړه. د بایرن میونیک ګول وهوونکي:
پریشیچ، کوټینیو، کراټاس(3)، نولنبرگر، سینک، کویزانس، مولر، زیرکزی او اوریټ (3).
د ویلشوفن ګول وهوونکی: ایبرلي
یو کاسل یونایټیډ د جولینټون په ګول سره 1-0 ټاټنهام ته د انګلستان په غوره لیګ کZ ماته ورکړه. دا په روان لیګ کې د ټاټنهام لومړۍ ماته او د نیو کاسل یونایټیډ لومړۍ بریا ده.
