په لوی هلمند کې د فوټبال فدراسيون نوښت
احمد مسعود
په هلمند ولایت کې د وطني توليداتو د ملاتړ په موخه د جوړ شوي ټورنمينټ نن دريمه لوبه د نوي ځوانان فوټبال ټيم او اتحاد فوټبال ټيم ترمنځ ترسره شوه.
چې لوبه د اتحاد فوټبال ټيم 2-3 له نوي ځوانان فوټبال ټيم څخه وګټله. د اتحاد فوټبال ټيم لپاره سیف الله دوه او عبدالعظيم يو ګول ترسره کړ او د نوي ځوانان فوټبال ټيم لپاره ميرزا او فريد ګول وهنې وکړي.
د ياد ټورنمينټ لوبې د يوولس الف A فوټبال ټیمونو ترمنځ ترسره کيږي چې پکې د پوليسو اکاډمۍ، نوي ياران،ښاروالی، اتفاق، بهير نورزي، نوي ځوانان، چاه انجير، پيکان، اتحاد، ازاد او فيروزي فوټبال ټيم ګډون لري دا لوبي د تګ په شکل سره ترسره کېږي.
