د فوټبال له نړۍ درې لنډ خبرونه
محمود خان منندوی
ټاټنهام په دوستانه لوبه کي 3-2 و یوونټوس ته ماته ورکړه. د ټاټنهام لوبډلې لپاره ګول وهونکي: ایریک لامیلا، لوکاس مورا او هیري کین وو، او د یوونټوس لوبډلې لپاره بیا ګول وهونکي: ګونزالو هیګواین او کریسټیانو رونالډو.
***
د پاریس سېنټ جرمن ورزشی مدیر لیو نارډو اعلان کړه، چي د نیمار په اړه هیڅ کلب شخصي وړاندیز نه دی کړی او دغه لوبغاړی به همدلته پاتې شي.
***
د بارسلونا ورزشي مدیر اریک ابیډال اعلان کړه، چي بارسلونا د حملې په برخه کي شپږو کلیدي لوبغاړو ته اړتیا درلوده او هغه پوره شو او اوس بارسلونا و نیمار ته اړتیا نه لري.
سکای سپورټ خبر نشر کړی و، چې پاریس سېنټ جرمن او ریال ماډریډ غواړي نیمار او بیل تبادله کړي، خو د بیل وکیل د دې موضوع په اړه ناخبري وښودله.
