مجیب الرحمن انګلستان ته رسیدلی
سید ادریس ولیزاده
د افغانستان کرکټ ملي لوبډلې پیاوړی سوکه توپ اچوونکی مجیب ځدران چې په مجیب الرحمن هم شهرت لري، د انګلستان هېواد په کورني کرکټ لیګ کې د لوبیدو لپاره انګلستان ته رسیدلی دی.
مجیب په دغه لیګ کې د مېډلسېکس کلب لوبډلې سره لوبیږي، خو مجیب تیر کال په ۲۰۱۸ کې د همپشایر په لوبډله کې شامل و.
د انګلستان هېواد اړوند د ویټالټي بلاسټ شل اورېزې سیالۍ د روانې جولاۍ میاشتې په ۱۸مه نیټه پیلیږي.
مجیب ځدراڼ د افغانستان کرکټ ملي لوبډله کې د راشد خان او محمد نبي په څېر یو له هغه پیاوړو لوبغاړو څخه شمېرل کیږي چې د نړۍ په زیاتو نامتو تجارتي لیګونو کې په لوړه بیه پيرل کیږي.
