حسین بخش صفري د سرو زرو دوه مډالونه وګټل
ـــ تاند
د افغانستان د جوجيتسو ملي لوبډلې غړي حسين بخش صفري په هند كې د دې لوبې په نړيوالو سياليو كې د سرو زرو دوه مډالونه وګټل.
ده د ۶۲ كيلو ګرامه وزن په دوو كټګوريو كې خپل دوه سيالان مات او د سرو زرو دوه مډالونه يې ترلاسه كړل.
د جوجيتسو نړيوالې لوبې د روانې كب مياشتې په ۱۶مه نېټه د هند په چيناى ښار كې پيل شوې دي.
د يادونې وړ ده، چې حسين بخش صفري دوه كاله وړاندې هم په اسيايي المپيكي سياليو كې وتوانېد، چې د افغانستان د ورزشي كاروان د سرو زرو يوازينى مډال خپل كړي.
