له نورو تېر؛ پاکستان مو مات کړی؛ اوس وار د بنګله دیش دی
روح الله امین
د کرکټ نړیوال جام کې افغانانو اتلولي (قهرمانی) پاکستان او بنګله دېش ته ماته ورکول دي.
که افغان ملي اتلان غواړي چې یو ځل بیا افغانانو زړونه لاسته راوړي، نو پاکستان او بنګله دېش ته ماته ورکړي، دغه دوه ټیمونو ته ماته ورکول افغانانو ته له هرڅه نه مهم او نړیوال کپ د اتلولۍ په معنا ده.
افغان ملي اتلانو ته پکار ده چې دغه دوو هېوادونو سره لوبه کې د هېواد مینې او ملي احساس په پار له مسوولیته ډک، ځیرکتیا، چټکتیا او ډېر با احتیاط، صبر او لوړ حوصلې نه کار واخلي؛ تر هغه چې خپل ټیم بریا ته ورسېږي.
پاکستان او بنګله دیش دوه هغه لوبډلې دي چې د افغانستان کرکټ ملي لوبډلې سرسخت سیالان دي.
که لوبه کې افغانان مسوولیت واخلي، هېواد او ملت ته لوبه وکړي؛ نو تر ډېره به بریا زمونږ وي.
آخرکې افغان اتلانو پاتې څو لوبو کې بریا او د ښه کرکټ هیله کوم!
