په کابل کې نن شپه د کرکټ رمضان لیګ سیالیو پنځم پړاو پیلیږي
تاند
د افغانستان کرکټ بورد ویاند فرید هوتک ازادي راډيو سره په خپلو خبرو کې وویل چې نن شپه به د رمضان لیګ سیالۍ پېل شي، نوموړی وايي، چې په دغه لیګ کې ټولې اته لوبډلې په دوو ګروپونو کې سیالي کوي.
دغه لیګ د زرملوال لوبغالي د څښتن له لوري ترسره کیږي، زرملوال لوبغالی پخوا هم ددې ډول لوبو شاهد لوبغالی وو.
د رمضان کرکټ لیګ دغه سیالۍ د روژې میاشتې تر پایه پوري دوام کوي او پکي د مرکز په ګډون د بیلابیلو کرکټ کلبونو لوبډلې برخه لري.
یادې لوبې د یوې خصوصي تلویزیوني شبکې له لوري په ژوندۍ بڼه هم خپریږي.
یاده دې وي چې د افغانستان په یاد لوبغالي کې هر کال د رمضان جام سیالۍ ترسره کیږي، چې ګڼ شمېر مینه وال پکې د سیالېو لیدو لپاره د لوبو ډګر ته ورځي.
