د روسي لوبغاړو د مینه والو لپاره د المپیک شرایط
تاند- د المپیک نړیواله کمېټه وايي، د روسیې د سپورټي تیمونو او لوبغاړو پلویان به پرېږدي چې په راتلونکي فبروري میاشت کې د المپیک ژمنیو سیالیو ته د خپل هیواد ملي بیرغ راوړي.
دې کمېټې په عین حال کې وویل چې منظمې سیاسي مظاهرې به پر دوی بندیزونه نور هم زیات کړي.
د المپیک نړیوالې کمېټې نن (پنجشنبه) وویل چې پر روسي لوبغاړو دا بندیز، چې د خپل هیواد له بیرغ او ملي نښانونو سره سیالۍ ته نه شي راوتلی، د دوی د عادي نندارچیانو او پلویانو لپاره نه دی.
