په کندوز کې د کرکټ سیالي
محمد عزیز پردېس – د ورزشي خبريالانو سازمان او افغان ملي هوايي ځواکونو ترمنځ د کرکټ دوستانه سيالۍ ترسره شوه!
ياده سيالۍ نن سهار د افغان ملي هوايي ځواکونو روزونتون کې وشوه، د لوبې د پچې په ګټلو سره د ورزشي خبريالانو سازمان لوبډلمشر فريد الله محمدي لومړی توپوهنه غوره کړه چې په ټاکل شويو ۱۲ اورونو کې يې مقابلې لوبډلې ته د ۹ لوبغاړو په زيان د ۷۷ منډو هدف کېښود.
افغان ملي هوايي ځواکونو لوبډلې ټاکل شوی هدف يې د يو لوبغاړي په زيان په شپږم اور کې پوره کړ او لوبه د ملي ځواکونو په بريا سره پای ته ورسېده.
د ورزشي خبريالانو سازمان غړي سميع الله پام په وينا د يادې لوبې موخه د ملي ځواکونو او ورزشي خبريالانو ترمنځ د اړيکو ټينګېدل وبلل.
هېره دې نه وي چې ياده لوبه د افغان ورزشي خبريالانو سازمان په نوښت په لاره واچول شوه.
راپور: محمد عزيز پردېس ۱۳۹۶/۹/۲۱
