رام سلم لیګ کې څلور لوبډلې پایلوبې ته ووتې

د سهیلي افریقې رام سلم لیګ لوبو کې به لومړۍ نیمه پایلوبه به د چهارشنبې پر شپه د افغانستان پر وخت ۸:۳۰ بجې وشي او دوهمه نیمه پایلوبه به د پنجشنبې پر شپه د افغانستان پر وخت ۸:۳۰ بجې ترسره شي خو د رام سلم لیګ پایلوبه به د شنبې پر شپه د افغانستان پر وخت ۸:۰۰ بجې ترسره شي.

دغه لیګ کې رضا هندریکس تر ټولو مخکښ توپ وهونکی دی هغه په ۵ لوبو کې ۳۶۱ منډې لري، ورپسې جي پي ډومیني دی چې ۳۵۶ منډې لري خو ډومیني پسې په ۳۳۲ منډو کې هاشم املا ولاړ دی.

په توپ وهونکو کې بیا د کپ کوبراس لوبډلې لوبغاړی ډاني پیټرسن په ۱۲ ویکټو لومړی، د ټایټنز لوبډلې ورو توپ اچوونکی تبریز شمسي په ۱۲ ویکټو دوهم او د نایټز لوبډلې توپ اچوونکی ون سکوک ویک په ۱۱ ویکټو دریم مخکښ توپ وهونکی دی.